Ауылшаруашылық ғылымдары Жоғары мектебі

М.Әуезов атындағы Оңтүстік Қазақстан мемлекеттік университеті

Мал шаруашылығы өнімдерінің технологиясы

   Кафедра меңгерушісі
    Теңлібаева Аимкүл Серікбайқызы
    Ауыл шаруашылығы ғылымдарының кандидаты , доцент

Мекен-жайы: ОҚО, Шымкент қ., М.Х.Дулати №9 корпусы, 325 кабинет
Телефон: 32-18-49
E-mail: aiken_1963@mail.ru

►Профессор-оқытушылар құрамы

     Кафедра тарихы

    М. Әуезов атындағы ОҚМУ-нің ректорының бұйрығымен 2003 жылдың 14-ші мамырында «Агроөнеркәсіптік» факультетіне қарасты «Агротехнология», сонан соң 2005 жылы «Ветеринариялық медицина және зоотехния» кафедрасы дараланып шықты. Жеке классификатор бойынша   2011 жылдан бастап 5В080200– «Мал шаруашылығы өнімдерін өндіру технологиясы» мамандығы бойынша кадрлар дайындалуда. Осы жылдар аралығында кафедра меңгеруші қызметін атқарғандар: а.ш.-ғ.д. Қожалы Б., а.ш.-ғ.к. Ешибаев А., Купешов Т., Жарасбаев С.А.,а.ш.-ғ.д.  Асылбеков Б.Ж. тағайындалған болатын.

    5В080200 - «Мал шаруашылығы өнімдерінің технологиясы» мамандықтарының студенттері: оқу-танысу, өндірістік, клиникалық және диплом алдындағы іс-тәжірибе білімдерін кафедраның оқу базалары мен жетекші ауыл шаруашылығы өндіріс ошақтарында өтуде: облыстық ауыл шаруашылығы және аймақтық, қалалық басқармаларына қарасты мекемелерде, ЖШС «Оңтүстік-Батыс мал және өсімдік ғылыми зерттеу институты», ЖШС «Сайрам сүт», ЖШС «Фуд-Мастер», «Оңтүстік құс» АҚ т.б. Бұл жерде студенттер, заманауи   құрал-жабдықтарды пайдалана отырып,   өздерінің   дипломдық жұмыстары мен ғылыми зерттеулерін жүргізуге толық мүмкіндіктері бар.

    Кафедрадағы доктор ,кандидат ғылыми дәрежелі оқытушы профессорлар жаңа инновациялық , жоғары технологиялық жобалар жасап, және басқа ізденіс жұмыстарына кафедрадағы жас оқытушылар мен магистрлерді; сонымен қатар жоғары курс студенттерін жұмылдыруда.

    Кафедраның 2016-2017 оқу жылында 5В080200 – «Мал шаруашылығы өнімдерінің технологиясы» мамандығы бойынша күндізгі бөлімде 155 студент білім алуда. Студенттер контингенті жыл санап артуда, оның 98.8% мемлекеттік білім грантымен білім алуда. Олар соңғы үлгідегі оқу – зертханалық құрал жабдықтармен қамтылған аудиторияларда немесе кафедраның оқу базаларында білім алып, студенттік ғылыми және дипломдық жұмыстарын орындауда. Кафедрада төмендегі оқу – зертханалық және практикумдер жұмыс атқаруда:

-          « Мал азығы мен  өнімінің сапасын сараптау»  (зертхана).

   

    Ғылыми зерттеу жұмыстар

   Кафедраның ғылыми зерттеу жұмыстары Ресей федерациясының Өзбекстан, Қазақстанның  ҒЗИ-мен  бірігіп жүргізілді. ҒЗИ жұмысының нәтижесі бойынша кафедра ғалымдарының төмендегідей оқулықтар, әдістемелік нұсқаулар, монографиялар баспадан шығарылды:

1. Тенлибаева А.С., Махатова И.А., Абдуалиева А.А., Толтебаева Ж.Д.

5В080200-«МШӨӨТ» студенттеріне «Ауылшаруашылық малдарын азықтандыру» пәнінен «Қой және ешкіні азықтандыру» оқу құралы (аударма)

2. Асылбеков Б.Ж., Электронды оқулық , Электронды оқу-әдістемелік орталығы , М.Ауезов атындағы ОҚМУ, «Мал өнімдерін стандарттау», оқу құралы, 90 б., Шымкент, 2015 ж.

3.Дауренбеков Х.Т. «Құс шаруашылығы» , шымкент, 2010, 327б.

4.Божбанов Б.Ж., Асылбек Р.Е., «Цитология», (практикум), шымкент, 2010,74 б.

5. Тенлибаева А.С., Клейменов Н.И., Омбаев А.М., «Витаминное питания овец в аридной зоне Казахтсана», Москва, 2010, 142б.

6.Дошанов Д.А. 5В080200-«МШӨӨТ» мамандықтарына арналған  «Түйе шаруашылығы, шұбат, ет, жүн өндіру технологиясы» пәні бойынша дәріс жинағы.

7.Асылбеков Б.Ж., Файзуллаева Л.А. 5В080200-«МШӨӨТ»  студенттеріне «Мал тектес шикізатының алғашқы өңдеу технологиясы» пәнінен әдістемелік нұсқау

8. Файзуллаева Л.А., Божбанов Б.Ж., Ермекбаева Р.Ж. 5В080200-«МШӨӨТ» студенттеріне «Ешкі шаруашылығы, ешкі еті, сүті,жүн өндіру технологиясы» пәнінен әдістемелік нұсқау.

9. Ермекбаева Р.Ж., «Мамандыққа кіріспе» (каз), Оқу құралы, 86 б., Шымкент, 2015 ж.

      Кафедра жетістіктері

      Қазіргі уақытта, кафедра құрамында 3 ғылым докторы, профессорлар, 8 ғылым кандидаттары мен 2 магистр қызмет атқаруда. Ғылыми дәрежесі бар барлық оқытушылардың үлесі 85% құрады.

Жалпы сараптама бойынша 5В080200- «Мал шаруашылығы өнімдерін өндіру технологиясы» мамандығы ЖОО рейтинг көрсеткіші бойынша 3-ші орын алды.

Кафедра меңгерушісі Тенлибаева А.С., 2014 жылдың желтоқсан айында Ресей Федерациясы Мәскеу қаласында докторлық диссертациясын сәтті қорғап, 2015 ж. докторлық атағы бекітілді.

         Кафедраның а.ш.ғ.д., профессор Асылбеков Б.Ж. 2015ж. ҚР Білім және Ғылым министрлігі жариялаған  ғылыми жобалар грантын «Арал өңірінің Қазақстандық оңтүстік бөлігіндегі агроэкологиялық апатты жағдайды жақсарту және ондағы мал өнімдерінің сапасы мен қауіпсіздігін кешенді зерттеу» атты тақырыбында ұтып алды.  Ғылыми жобаның орындаушылары: ғылыми жетекші Асылбеков Б.Ж., аға ғылыми қызметтер Тенлибаева А.С., Қонысова С.С., Божбанов Б.Ж., Ермекбаева Р.Ж., жоғары білікті маман Алтаева Р.С., оператор Маширип Т.А.

      Тәрбие ісі және жастар саясаты департаменті «Жыл тәлімгері - 2014» байқауын ұйымдастыруымен өткен, студенттермен тәрбие жүргізудің тәсілдерін өзгелерге үлгі етіп көрсетуге, іс-тәжірибесін кеңінен таратып насихаттауға ықпал ету мақсатында «Жыл тәлімгері - 2014» байқауына «Мал шаруашылығы өнімдерінің технологиясы» кафедрасынан аға оқытушы А.А.Абдуалиева  қатысуға ниет білдіріп «Жыл тәлімгері - 2014» байқауынан 1-ші орынды иеленді.

         М.Әуезов атындағы Оңтүстік Қазақстан Мемлекеттік университетінің біліктілікті арттыру жоспары бойынша Қазақ Ұлттық Аграрлық университетінің «Биологиялық қауіпсіздік» кафедрасында микробиология пәні бойынша Г.А.Абдуллаева біліктілігін жоғарылатудан өтті.

    ОҒӨК (УНПК) ұйымдастырылуы

     2016-2017 оқу  жылында Сайрам ауданының Жаңа-Талап елді мекенінде орналасқан «Жаңа-Талап Сайрам сүт және ет кешені» ЖШС келісім-шарт жасалып, оқу-ғылыми-өндірістік кешені ұйымдастырылды. Осы шаруашылықта жұмыс істейтін а.ш.ғ.к Қ.Абдуллаев 0,25 штаттық бірлікке жұмысқа алынды. Бір кабинет оқу үрдісіне пайдаланылып, көрнекілік құралдарымен жабдықталды. Ол жерде «Мал шаруашылығындағы асылдандыру жұмыстары» пәнінен  студенттеріне  практикалық сабақтар өткізіледі. Сонымен қатар «Сералы» шаруа қожалығында «Қой шаруашылығы, ет, жүн өндіру технологиясы» пәнінен практикалық сабақтар жүргізіледі. Бұл шаруашылық Республика деңгейіндегі асыл тұқымды шаруашылықтардың бірі болып саналады.

      Біздің студенттеріміз

    «Мал шаруашылығы өнімдерін өндіру технологиясы» мамандығы 2015-2016 оқу жылында 1-4 курс студенттері арасынан ҚазҰАУ-де өткен ауылшаруашылық ғылымдарының VІ- Республикалық пәндік олимпиадаға АП-11-7к1 тобының студенттері командалық жарыста өз білімдерін шыңдай түсіп, біліктілігін көрсете білді және   2 орын иегері  атанды.

      5В080200-”Мал шаруашылығы өнімдерін өндіру технологиясы” мамандығы бойынша 3 студент академиялық ұтқырлық бойынша оқуға  кетті. Атап айтсақ АП-14-7к1 тобының студенті Тұрар Б. 29.08.2016 (V семестр) жылғы №602-ісс бұйрығы бойынша Астана қаласы  С. Сейфулин атындағы Қазақ Аграрлық техникалық университетіне, АП-14-7к2 тобының студенті Қаратай А. 01.09.2016 (V семестр)  жылғы №609-ісс бұйрығы бойынша Орал қаласы  Жәңгірхан атындағы Батыс Қазақстан Аграрлық техникалық университетіне, АП-14-7к1 тобының студенті Ақжол А. 31.08.2016 (V семестр) жылғы №608-ісс бұйрығы бойынша Польша мемлекетіне Щецине Батыспоморский технологиялық университетіне  академиялық ұтқырлық бойынша білім алмасуға кетті.

      Елордада өтіп жатқан ЭКСПО-2017 халықаралық көрмесі биылғы жаздың айтулы оқиғасына айналды. Көрме аумағындағы еріктілердің жұмысына келушілерінің барлығы дерлік жоғары баға беруде. ЭКСПО қонақтарына тегін қызмет көрсету үшін Қазақстанның түпкір-түпкірінен жиналғанең үздік еріктілердің ішінді біздің АП-14-7к1 тобының студенті Ақжол Аружан өз үлесін қосып қайтты.

      Халықаралық байланыстар

      Кафедра әйгілі оқу орындарымен, ғылыми-зерттеу институттарымен, алдыңғы қатардағы ғалымдар және сала мамандарымен шығармашылық  байланыста.

Кафедра Ресейдің жетекші жоғары оқу орындарымен (К.А.Тимирязев атындағы Мәскеу ауылшаруашылық академиясы) , Бүкілодақтық радиобиология және Агроэкология ғылыми-зерттеу институттарымен ынтымақтастық туралы келісім шарттары бар.

      Келешектегі жоспар

      Алдағы уақытта кафедрада жаңа 5В080200 «Мал шаруашылығы өнімдерін өндіру технологиясы» мамандығы бойынша магистранттарды дайындау үшін біршама жұмыстар жоспарлануда. Бұл, осы бағыттағы студенттермен оқушылар контингентін санын арттыруға өз септігін тигізеді.