Ауылшаруашылық ғылымдары Жоғары мектебі

М.Әуезов атындағы Оңтүстік Қазақстан мемлекеттік университеті

М. Әуезов атындағы ОҚМУ-ң    АШҒЖМ-і және студенттік өзін-өзі басқару «студенттік кеңесінің» ұйымдастыруымен Ашық есік күні 27 сәуір 2015 жылы сағат 12.00-де №9 ғимаратта АШҒЖМ-ң  акт залында  өткізілді.

Бұл іс- шараға Шымкент қаласындағы төмендегі мектептердің  № 19, № 24, №46, № 50, № 53, № 66, № 89, № 101, № 119, № 120 11-сынып  оқушылары және ұстаздары, Шымкент аграрлық колледжінің бітіруші түлектері және оқытушылары қатысты. Бұл іс-шараға АШҒЖМ-ң  декан орынбасары Ермаханов  Н.  қатысып, жиналған қонақтарға сөз сөйлеп АШҒЖМ-і туралы толық ақпарат берді.  АШҒЖМ-і – кафедра меңгерушілері а.ш.ғ.к. Тулеметова С., т.ғ.к.  Кенжебаева Г., б.ғ.к. Елібаева Г. , а.ш.ғ.д.,  профессор Тұрымбетов Б.  жиналғандарға сөз сөйлеп, түсіндірме жұмыстарын жүргізді. «Жануарлар патологиясы» кафедрасының аға оқытушысы а.ш.ғ.к. Өсербай А.  және  бітіруші «Жануарлар патологиясы» кафедрасының 5-курс студенті  Байзақова С.  арнайы сахнада сөз сөйлеп  қонақтарға тұжырымды жауаптар берді.

Белсенді студенттер тарапынан қонақтарға бағдарламалық концерт қойылып, видеоролик көрсетілді. Талапкер-2015  анықтамалық кітапшалары  жиналған қонақтарға таратылып берілді. Кездесу  өте қызықты түрде өткізілді. Аталған іс- шараға барлығы 111 талапкер қатысты.